იტალიურმა პოლიციამ სნუპ დოგი დააკავა, რომელსაც 422 ათასი დოლარის ოდენობის ნაღდი ფული აღმოუჩინეს.
მაქსიმალური არადეკლარირებული თანხა, რომლის ქონაც ЕС-ს მგზავრებს აქვთ ნებადართული 11 ათასი დოლარია. მუსიკოსმა კი ამ ნიშნულს საგრძნობლად გადაამეტა.
რეპერი დიდ ბრიტანეთში, საკუთარი თვითმფრინავით აპირებდა გადაფრენას. თანხა, კი ”Louis Vuitton”-ის ბრენდის ჩანთაში იყო მოთავსებული.
”სნუპმა ფული მას შემდეგ მიიღო, რაც კონცერტები გამართა ევროპაში. ეს არ არის დანაშაული, ეს უბრალოდ ადმინისტრაციული სამართალდარღვევაა” – ამბობს სნუპის ადვოკატი ანდრეა პარისი. მისივე თქმით, ჩამორთმეული ფულის ნაწილი მუსიკოსს უკვე დაუბრუნდა უკან. დანარჩენს კი მას შემდეგ მიიღებს, რაც ადმინისტრაციული ჯარიმის ოდენობა დაითვლება.