გუშინ უეფას პრეზიდენტ მიშელ პლატინის და სუპერთასის მატჩის სტუმრების პატივსაცემად ფუნიკულიორზე ოფიციალური ვახშამი გაიმართა.
”პრეზიდენტმა პლატინიმ, როგორც ყველა დროის ერთ-ერთმა უდიდესმა ფეხბურთელმა, ძალიან კარგად იცის, როდის გააკეთოს სწორი ჩაწოდება შესაბამის დროს. ბატონო პრეზიდენტო, დიდი მადლობა, რომ ბურთი ახლა საქართველოს ჩააწოდეთ.” ამ სიტყვებით მიმართა საქართველოს პრემიერ-მინისტრმა ირაკლი ღარიბაშვილმა უეფას პრეზიდენტ მიშელ პლატინის.
“გარწმუნებთ, უეფას სუპერთასის მატჩის მაპინძლობა თბილისში არის შესანიშნავი შესაძლებლობა საქართველოსა და ევროპისთვის და აგზავნის ერთობის ძლიერ მესიჯს მთელ კონტინენტზე”, – დაამატა ირაკლი ღარიბაშვილმა.
უეფას პრეზიდენტმა მიშელ პლატინიმ საქართველოს პრემიერ-მინისტრს მადლობა გადაუხადა და აღნიშნა, რომ ”დინამო არენა” შესანიშნავ მდგომარეობაშია.