ხრაშუნა თოვლი და ზამთრის სუსხი, გაყინული ტბები და დათოვლილი ქუჩები, თბილი პლედი და ცხელი შოკოლადი – თუ ჯერ არ დაგიგემავთ შვებულება, თვალი გადაავლეთ ზამთრის ქალაქებს და მოიწყვეთ დაუვიწყარი ზამთრის არდადეგები.
როტენბურგი ტაუბერეზე, გერმანია
როტენბურგი შუასაუკუნეების ქალაქია, რომელიც ყოველ ზამთარს ზღაპარულ ქალაქს ემსგავსება.
ბულერის მთა, ავსტრალია
ბულერის მთა ის იშვიათი ადგილია ავსტრალიაში, სადაც თოვლის ნახვა შეიძლება. ულამაზესი ქალაქი კი, მთელი მსოფლიოდან იზიდავს აქტიური დასვენების მოყვარულებს.
ელ ჩალტენი, სანტა-კრუსი, არგენტინა
მთის ბილიკებით სახელგანთქმული ელ ჩალტენი განსაკუთრებული პოპულარობით ზაფხულში სარგებლობს. ზამთარში კი, ცარიელდება და მხოლოდ გამოცდილი ტურისტები ბედავენ ქალაქში არდადეგების გატარებას.
ქუინსთაუნი, ახალი ზელანდია
ქუინსთაუნი უაკატიპუს ულამაზესი ტბის გარშემოა გაშლილი, საიდანაც მთების Walter Peak და The Remarkables დაუვიწყარი ხედები იშლება.
ნარდენი, ნიდერლანდები
ნარდენი ვარსკვლავის ფორმის ფორტშია მოქცეული. საუკუნეების წინ ფორტის კედლები ქალაქის შემოსევებისგან იცავდნენ.
ბლედი, სლოვენია
იულიის ალპებში, ბლედის ტბის ნაპირებზე, ტრიგლავის ნაციონალური პარკის აღმოსავლეთით მდებარე ქალაქი ბლედი ქვეყნის ერთ-ერთი უმსხვილესი ბალნეოლოგიური და სათხილამურო კურორტია, სადაც ზაფხულში ტურისტებს აქტიურად დასვენება (გოლფის თამაში, ცხენითა და ველოსიპედით სეირნობა, სამთო ტურიზმი), ზამთარში კი, უამრავი სათხილამურო ტრასით სარგებლობა შეუძლიათ.
გრის-ფიორდი, კანადა
თუ გსურთ თავი დააღწიოთ ცივილიზიას, მაშინ ეს ადგილი სწორედ თქვენთვისაა. გრის-ფიორდი კანადის ყველაზე ჩრდილოეთი წერტილია, სადაც ზამთარში 140 დღე უკუნი ღამეა, უახლოეს სოფლამდე კი, 320 კილომეტრია.
შტრამბერკი, ჩეხეთი
ტყიანი მთის ფერდობზე გაშენებულ შტრამბერკში შუასაუკუნეების უამრავი ციხე-სიმაგრეა, უძველეს ხის სახლებში კი, სტუმართმოყვარე ჩეხები დღესაც სიხარულით მასპინძლობენ ტურისტებს.
სირაკავა, იაპონია
კლასიკურ იაპონურ ქალაქში სახლის სახურავები ისეა გაკეთებული, რომ ყოველთვის თავისუფლად გაუძლონ დიდთოვლობას.
დამიულსი, ავსტრია
დამიულსში წელიწადში 9 მეტრამდე თოვლი მოდის, რაც მას ევროპის ყველაზე თოვლიან ადგილად აქცევს და რა გასაკვირია, რომ ქალაქი თავისი 300 მოსახლით, ზამთარში მოთხილამურეთა ნამდვილი სამოთხეა.
ზერფაუსი, ავსტრია
პირველმოსახლეებმა ეს ადგილი ჯერ კიდევ ბრინჯაოს ხანაში აითვისეს დღეს კი, ზერფაუსი ტურისტული მარშრუტის ყველაზე პოპულარული პუნქტია სათხილამურო კურორტის Serfaus-Fiss-Ladis-ის გზაზე.
მარლოუ, ინგლისი
მარლოუ პატარა და მშვიდი ქალაქია ტემზის ნაპირებზე. მართალია, ქალაქი ხმაურიანი ლონდონიდან სულ რაღაც 50 კილომეტრითაა დაშორებული, აქ მაინც ყოველთვის სიწყნარე და სიმშვიდეა.
ვიბორგი, რუსეთი
ვიბორგი რუსეთისა და ფინეთის საზღვარზეა გაშენებული, საიმენის არხი კი, რომელიც მას გარს აკრავს, ზამთარში სრულად იყინება.
ბამბერგი, გერმანია
გერმანული ქალაქის ცენტრი, რომლის განაშენიანებაც 902 წელს დაიწყო, მსოფლიო მემკვიდრეობის ნუსხაშია შესული. ბამბერგის ბრწყინვალედ შემონახულ ქვის ტროტუარებზე სეირნობა კი, განსაკუთრებით ზამთრის სეზონზეა სასიამოვნო.
გალშტატი, ავსტრია
გოლშტატის მარილის მაღაროები უძველესია ევროპაში და უკვე სამი ათასი წელია ფუნქციონირებს. ცნობები პატარა ქალაქზე წერილობით წყაროებში პირველად 1311 წელს გაჩნდა, დღეს კი, ევროპის ერთ-ერთ ულამაზეს ადგილად ითვლება.
