სადღესასწაულო მსუნაგობის შემდეგ დროა ის პროდუქტებიც გაიხსენოთ, რომლებიც სწრაფად დაგაბრუნებენ ფორმაში.
ხილი და ბოსტნეული ნებისმიერი რაოდენობით შეგიძლიათ მიირთვათ, რადგან მცენარეული ბოჭკო აუცილებელია თქვენი მომნელებელი სისტემის ნორმალური ფუნქციონირებისთვის, ვიტამინები კი, რომლებსაც ახალი ან მსუბუქად დამუშავებული ხილი და ბოსტნეული შეიცავს, თქვენს მეტაბოლიზმს ეხმარება. გაამრავალფეროვნეთ თქვენი რაციონი ვაშლით და კენკროვანით, ბროკოლით, სოკოთი და ისპანახით.
მწვანე ჩაი წონის დაკლების მშვენიერი საშუალებაა, თუ რა თქმა უნდა მას შაქრის და ორცხობილების გარშე მიირთმევთ. ფლავონიდები კი, რომელსაც მწვანე ჩაი შეიცავს ყველაფერთან ერთად ორგანიზმსაც გაახალგაზრდავებს.
მონოუჯერი ცხიმები მაღლა წევს “კარგი ქოლესტერინის” დონეს, აქრობს ანთებით პროცესს, ამაგრებს გულს და სისხლძარღვებს. დიდი რაოდენობით მონოუჯერ ცხიმებს ზეითუნის ზეთი, ნუში, თხილი და კაკალი შეიცავს.
ომეგა 3-ის ცხიმოვანი მჟავების მაღალი შემცველობის დიეტა ომეგა 6-ის ცხიმოვანი მჟავების დაბალი პროცენტულობით, ამაგრებს იმუნიტეტს და ხელს უშლის ორგანიზმში ცხიმების დაგროვებას. ომეგა 3 –ის მდიდარი წყაროა კაკალი, სელის თესლი და ორაგული.
სანელებლები, მათ შორის ნიორი და ჯანჯაფილი, წიწაკა და დარიჩინი, ეფექტურად ებრძვიან ცხიმს მეტაბოლიზმის გაძლიერების ხარჯზე. ასე რომ გამოიყენეთ ისინი თქვენს კერძებში მაქსიმალურად ხშირად.
წყალი აუცილებელია სწორი ნივთიერებათა ცვლის პროცესისთვის, ასე რომ ეცადეთ დღეში სულ მცირე 1,8 ლიტრი წყალი დალიოთ (ალკოჰოლის გარდა, ნებისმიერი სასმელის ჩათვლით). თუ სპორტით ხართ გატაცებული, მაშინ თქვენი ნორმა 200 მილილიტრი უნდა იყოს ყოველ 30 წუთში ინტენსიური დატვირთვების პერიოდში.
მარცვლეული მდიდარი უჯრედისით, რომელიც ინსულინის დონეს აკონტროლებს ორგანიზმში და B ჯგუფის ვიტამინები, რომლებიც ეხმარებიან თქვენი ნერვული სისტემის ნორმალურ ფუნქციონირებას და კანისთვის ახალგაზრდობის შენარჩუნებას.
