სტუდია DreamWorks-ის ანიმაციური ფილმი – „კუნგ-ფუ პანდა 3“ ამერიკული კინოგაქირავების ლიდერია. გასული უქმეების მონაცემებით მულტფილმმა 41 მილიონი დოლარი გამოიმუშავა. ამ გზით კი, ცნობილი პროექტის მესამე ნაწილმა მეორეზე ცუდი შედეგი აჩვენა. მისი წინამორბედის საპრემიერო მოგება 47 მილიონ დოლარს შეადგენდა.
„კუნგ-ფუ პანდა 3“-ის გადაღება 145 მილიონი დაჯდა, ამიტომ მისი შემქმნელები ამ თანხის ამოღებას და ფინანსურ წარმატებას საერთაშორისო კინოგაქირავებაში ჩაშვების შემდეგ იმედოვნებენ.