ქუთაისში, 14 მაისს, ლადო მესხიშვილის სახელობის თეატრში ნინი ბადურაშვილისა და ეკა კახიანის ერთობლივი კონცერტი გაიმართება. ნინის მეტი დეტალის გასაგებად დავუკავშირდით.
ნინი ბადურაშვილი:
დასავლეთში ბოლო დროს უამრავი კონცერტი გავმართე. მათ დაგეგმვაში მეხმარებიან ხოლმე. ჩემი იდეა იყო, რომ ქუთაისის თეატრში მე და ეკას ერთობლივი კონცერტი გაგვემართა. რეპერტუარზე ახლა ვმუშაობთ. გვინდა 15-16 სიმღერა წარმოვადგინოთ, მათ შორის დუეტები, რომლებიც ეკას მაია ჯაბუასთან ერთად აქვს შესრულებული. ნაწილი სიმღერებისა როიალთან შესრულდება, ნაწილი – გიტარის თანხლებით. დაახლოებით საათნახევრიან პროგრამას ვაპირებთ. ბილეთები ჯერ არ იყიდება, თუმცა მსურველებს მალე ექნებათ შეძენის საშუალება.