კახა კუხიანიძე წლევანდელ „ოქროს ტალღაზე“ ნომინანტებს შორის ორი სიმღერით მოხვდა. როგორც მომღერალმა გაგვიმხილა, შარშან კონკურსის სტუმარი იყო და ძალიან უნდოდა, რომ შემდეგ წელს მისი ერთი სიმღერა მაინც ყოფილიყო ნომინანტი…
კახა კუხიანიძე:
ორი სიმღერით ვარ წარდგენილი „ოქროს ტალღაზე“ – „ამ გულს“ ეკუთვნის ნათია ბუცხრიკიძეს, რისთვისაც მას დიდ მადლობას გადავუხდი, ტექსტი ნანა ცინცაძის გახლავთ. მეორე სიმღერის მელოდია ალეკო ბერძენიშვილს ეკუთვნის, ტექსტი – მარიამ პავლიაშვილს, სიმღერის სახელწოდებაა „აღარ მინდა“.
„ოქროს ტალღის“ შესახებ ძალიან დადებითი აზრი მაქვს. რაც მეტი ასეთი კონკურსი ჩატარდება, ეს მხოლოდ წაგვადგება, სტიმულს მოგვცემს და ამ სფეროს განვითარებას შეუწყობს ხელს.
შარშან გახლდით კონკურსის სტუმარი და იმ დროიდან გამომყვა, ძალიან მინდოდა, რომ ჩემი ერთი სიმღერა მაინც უნდა ყოფილიყო ნომინანტებს შორის და ორი აღმოჩნდა, რამაც ძალიან გამახარა…