სენ-ტროპეში ლეონარდო დიკაპრიოს საქველმოქმედო ფონდის ღონისძიება გაიმართა, მსახიობმა ფონდი 1998 წელს დააარსა. სენ-ტროპეში უკვე მესამე ყოველწლიური საქველმოქმედო ვახშამი გაიმართა, შემოსული თანხა კი მთლიანად გარემოს დაცვას მოხმარდება.
წელს აუქციონი ბრენდის Chopard მხარდაჭერით გაიმართა და 45 მილიონი დოლარის შეგროვება მოხერხდა. თანხის ნაწილი გადაირიცხება ფონდში GiveForFrance.org, რომელიც ნიცაში მომხდარი ტერაქტის დროს დაზარალებულებს და დაღუპულთა ოჯახებს ეხმარება.
ლეოს ინიციატივის მხარდასაჭერად სენ-ტროპეში ჩავიდნენ შარლიზ ტერონი, კეიტ ბლანშეტი, მარიონ კორტიარი, სკარლეტ იოჰანსონი, ბრედლი კუპერი, მერაია ქერი, კეიტ ჰადსონი, ნაომი ქემფბელი და სხვა უამრავი ვარსკვლავი. ლეონარდო დიკაპრიომ და ბევრმა სტუმარმა პირადად გადარიცხეს თანხა ფონდისთვის.
