ბრიტანეთის ქალაქ უეიკფილდის ერთ-ერთმა მცხოვრებმა ინტერნეტ-აუქციონ Ebay-ზე გასაყიდად, არც მეტი, არც ნაკლები, საკუთარი ცოლი განათავსა, ამის შესახებ გამოცემა The Daily Mirror წერს.
33 წლის ჯოკერ საიმონ ო’კეინმა ლოტის კომენტარად დაწერა, რომ ცოლი მისი ავადმყოფობისას საკმარისად არ ზრუნავდა ქმარზე; რაც შეეხება – დადებით თვისებებს, ო’კეინმა აღნიშნა, რომ მის ცოლს სხეულის კარგი აღნაგობა და კულინარიული ნიჭი აქვს.
მამაკაცი გაოგნდა, როდესაც აუქციონზე ლოტის ხუმრობით განთავსების შემდეგ მისი ცოლის შესაძენად ორმა ადამიანმა 65 ათას ფუნტზე მეტი შესთავაზა.
27 წლის დეანდრამ, რომელიც კოსმეტოლოგად მუშაობს, ქმრის ხუმრობის შესახებ კოლეგებისგან შეიტყო.
„მინდოდა, მომეკლა. იმის გარდა, რომ გასაყიდად „გამიტანა“, ჩემი ასეთი საშინელი ფოტო ატვირთა!“ – განაცხადა დეანდრამ.
