86 წლის ნანა მილი ტეილორ-მორისონის ქორწილის ფოტოს „ფეისბუქზე“ დიდი რეზონანსი მოჰყვა. იგი 16 ოქტომბერს 85 წლის ჰაროლდ მორისონს გაჰყვა ცოლად, საქორწინო ცერემონიალი ზაიონ ჰილის ბაპტისტურ ეკლესიაში შედგა, ნიუ-ჯერსიში და მას 200 სტუმარი ესწრებოდა.
„ჰაფინგტონ პოსტს“ პატარძლის შვილიშვილმა, ხადიჯა ელხარბიბიმ განუცხადა, რომ ბებიის გარეგნობით ყველა სტუმარი გაოგნებული დარჩა.
„როდესაც ეკლესიაში შემოსული პატარძალი ჰაროლდმა დაინახა, ცრემლები ვერ შეიკავა, ყველა სტუმრისთვის ეს სცენა ძალიან ემოციური იყო. ჩემი ნანა ბედნიერებისგან ბრწყინავდა,“- ამბობს ხადიჯა.
ნანა მილი ხადიჯას ბაბუას 41 წლის წინ გაჰყვა, ქმარი 1992 წელს გარდაეცვალა.
