მერაბ სეფაშვილმა ათენში ერთ-ერთ საკონცერტო დარბაზში სოლოკონცერტი გამართა. ღონისძიებამ ანშლაგით ჩაიარა. ქართულ ჰანგებს მონატრებულმა ემიგრანტებმა, შეიძლება ითქვას, სცენა
შტურმით აიღეს და მუსიკოსის სიმღერებზე მის გარშემო წრე შეკრეს.
კონცერტის შემდეგ მერაბის პროდიუსერმა, გია გოგორიშვილმა დაწერა: „დიდი მადლობა ჩვენს ემიგრანტებს საბერძნეთში განსაკუთრებული სიყვარულისთვის…“
მერაბ სეფაშვილს ისრაელსა თუ საბრძნეთში ხშირად იწვევენ კონცერტებით. სამწუხაროდ, ბოლო დროს საქართველოში კონცერტი არ ჰქონია.
სპეციალურად ამ ღონისძიებისთვის მერაბი სტუდიას დაუბრუნდა და ახალი სიმღერაც ჩაწერა.
