ხანგრძლივი პაუზის შემდეგ, მომღერალი ვერიკო ტურაშვილი საკუთარ თაყვანისმცემლებს ახალ კლიპს შესთავაზებს. გადაღებები გუშინ დაიწყო და ვიდეორგოლის პრეზენტაცია თებერვალში გაიმართება.
„არ დაიდარდო“ ვერიკო ტურაშვილს დაუკავშირდა:
– ახალ კლიპს ვიღებ მაიკო კაჭკაჭიშვილის სიმღერაზე, რომლის სახელწოდებაც ჯერჯერობით შერჩეული არ მაქვს. კლიპს „სტატუს სტუდიო“ და რეჟისორი ანტონ თათრიძე იღებს. გადაღებები თბილისის სხვადასხვა ადგილებში წარიმართება.
განსხვავებული იმიჯით წარსდგებით მსმენელის წინაშე?
– განსხვავებულ ამპლუაში მნახავს მსმენელი, კლიპის პრემიერა თებერვალში გაიმართება.
– თქვენს გარდა ვინ იღებს კლიპში მონაწილეობას?
– კლიპში მონაწილეობს რუსთაველის თეატრის მსახიობი ლაშა ჯუხარაშვილი. ეს ჩემი არჩევანი იყო, ვიფიქრე კარგად გაართმევდა თავს ამ საქმეს.
