საფრანგეთი საარჩევნო კამპანიის პიკი სწორედ დღეს არის – ორი კანდიდატის ემანუელ მაკრონისა და მარინ ლე პენის დებატები პირდაპირ ეთერში მიმდინარეობს.
საფრანგეთში მიიჩნევენ, რომ ეს მეორე ტურისთვის ეს ერთ-ერთი უმნიშვნელოვანესი, გადამწყვეტი ბრძოლაა.
არჩევნებამდე 4 დღით ადრე, გამოკითხვებში ცენტრისტი ემანუელ მაკრონი ლიდერობს. ხანგრძლივ დებატებს საფრანგეთში პირდაპირ ეთერში გადასცემენ და მას სულ მცირე 20 მლნ მაყურებელი ჰყავს.
დებატები ურთიერთბრალდებების , დაპირისპირებისა და ცხარე კამათის ფონზე მიმდინარეობს. საუბარი ძირითადად ეკონომიკურ პრობლემებს, უმუშევრობასა და კანდიდატების პროგრამას ეხება.
საინტერესო მონაკვეთები დებატებიდან
ორივე კანდიდატის ჩაცმულობა დებატების დროს იდენტურია: მარინ ლე პენს მუქი ლურჯი შარვალ-კოსტუმი, თეთრი მაისური და შავი ფეხსაცმელი აცვია. მაკრონსაც ზუსტად ასე, ის მხოლოდ ერთი დეტალით – მუქი ლურჯი ჰალსტუხით გამოირჩევა ლე პენისგან.
მარინ ლე პენმა მაკრონს დებატების დროს შემდეგი წინადადებით მიმართა: “ნუ მეთამაშებით კატა-თაგვობანას, ეს ჩემი სტილი არაა”.
დებატები თავიდანვე ცხარე კამათში გადაიზარდა. კანდიდატები ერთმანეთს საუბარს არ აცდიდნენ.
ლე პენმა სამუშაოების შექმნის პირობა გასცა. ასევე, მან თქვა, რომ საზღვარგარეთ ფრანგულ კომპანიებს ოპერირებაში დაეხმარება.
მაკრონის დაპირება: 35 საათიანი სამუშაო საათი კვირაში და საპენსიო ასაკის 62 წლამდე გაზრდა.
ლე პენის დაპირება: სამსახურში უცხოელების დაქირავებაზე დამატებითი გადასახადის დაწესება- ანუ პრიორიტეტის მინიჭება ფრანგებს. 35 საათიანი სამუშაო საათი კვირაში და საპენსიო ასაკად 60 წლის დაწესება.
მაკრონმა ლე პენს მიმართა: თქვენი სტრატეგიაა თქვათ მეტი ტყუილი რადგან, შესათავაზებელი არაფერი გაქვთ.
დებატები, როგორ ტრადიცია
დებატები ზუსტად იმ სატელევიზიო სტუდიაში გაიმართა, სადაც 5 წლის წინ ფრანსუა ოლანდი და ნიკოლა სარკოზი შეხვდნენ გადამწყვეტ სატელევიზიო დულეში ერთმანეთს. არჩევნებამდე რამდენიმე დღით ადრე, საპრეზიდენტო კანდიდატების პირდაპირ ეთერში დაპირისპირება საფრანგეთში ერთგვარი ტრადიციაა, რომელიც 1974 წლიდან იღებს სათავეს.