რუსთავში ქვეწარმავლების გამოჩენის ოთხი შემთხვევა დაფიქსირდა. რუსთავის საზოგადოებრივი ჯანმრთელობის და უსაფრთხო გარემოს ცენტრის დირექტორის დავით ბეგაშვილის ინფორმაციით, შესაბამისი სამსახურის თანამშრომლებმა, ოთხივე მისამართზე მოახდინეს ქვეწარმავლების დაჭერა.
„სამუშაო ჯგუფები 24-საათიან რეჟიმში მუშაობენ, გამოძახების შემთხვევაში ადგილზევე მოხდება შესაბამისი ღონისძიებების გატარება. ამ ეტაპზე პანიკის საფუძველი არ არსებობს, მივმართავ მოსახლეობას ქვეწარმავლის შემჩნევის შემთხვევაში აუცილებლად მოგვმართონ“ – აცხადებს ბეგაშვილი.
რუსთავი ქვეწარმავლებისთვის აქტიური ზონაა, თუმცა ბოლო წლებში საშიში და შხამიანი ქვეწარმავალი არ დაფიქსირებულა.