მიმდინარე ზაფხულში კინოგაქირავებაში გამოვა ლუკ ბესონის ახალი ფილმი „ვალერიანი და ათასი პლანეტის ქალაქი“. მთავარ როლებს მასში კარა დელევინი და დეინ დეჰაანი ასრულებენ. საკმაოდ მნიშვნელოვანი როლი მიიღო რიანამაც, რომელმაც ეკრანებზე მისტიური ქმნილება – ბაბლი გააცოცხლა, რომელსაც ნებისმიერ სიტუაციაში გარეგნობის შეცვლა შეუძლია.
მომღერალმა და დამწყებმა მსახიობმა „ინსტაგრამზე“ მოკლე ვიდეოც გამოაქვეყნა, სადაც ის თავის პერსონაჟზე ყვება: „ის ნამდვილი შემოქმედეია, რომელსაც ადამიანებისთვის ბედნიერების მინიჭება ასაზრდოებს“.
შეგახსენებთ, რომ მომღერლისთვის ეს მეორე სრული როლია ფილმში. აქამდე რიანას სამსახიობო ნიჭის შეფასება „ფსიქოს“ მიხედვით გადაღებული სერიალის საფინალო სეზონში „სასტუმრო ბეიტსი“ შეგეძლოთ, სადაც მან მერიონ კრეინი განასახიერა.