„დაკვამლიანების გაძლიერების მიუხედავად, თელავის რაიონის სოფელ ართანასთან, კოხტას მთაზე, ცეცხლის ახალი კერები ამ დროისთვის არ ფიქსირდება,“ – ამის შესახებ საგანგებო სიტუაციების მართვის სააგენტოში განაცხადეს.
უწყების ინფორმაციით, შესაბამისად, პანიკის საფუძველი არ არსებობს.
ადგილზე მეხანძრე-მაშველები და განსაკუთრებულ დავალებათა დეპარტამენტის თანამშრომლები მუშაობას განაგრძობენ. ასევე, ქრობით სამუშაოებს ავიაცია უწყვეტ რეჟიმში აგრძელებს.
საგანგებო სიტუაციების მართვის სააგენტოს ცნობით, ვითარება კონტოლს ექვემდებარება და ცეცხლის გავრცელების საშიშროება არ არსებობს.