მიხეილ სააკაშვილი აცხადებს, რომ უკრაინის ხელისუფლებას ახალ მოთხოვნებს უყენებს, რომელსაც მანამდე დაანონსებულ 29 ოქტომბრის აქციაზე წაიკითხავს. ეს აქცია კიევში, უკრაინის რადასთან, კარვების ქალაქში გაიმართება. მისივე თქმით, აქციის მონაწილეების პარლამენტის 7 ნოემბრის სხდომას დაელოდებიან და მათი მოთხოვნების შესრულებას მოითხოვენ.
ახალ მოთხოვნებს შორისაა: პრეზიდენტის იმპიჩმენტზე კანონის მიღება, ტარიფების გაყინვა, ვადამდელი საპარლამენტო არჩევნები, ვადამდელი საპრეზიდენტო არჩევნები, რუსეთთან დიპლომატიური ურთიერთობის გაწყვეტა, იარაღის შეძენა-შენახვაზე კანონის მიღება.
კიევში, უმაღლესი რადას წინ ოდესის ოლქის ყოფილი გუბერნატორის მიხეილ სააკაშვილის მიერ ორგანიზებული აქცია 17 ოქტომბრიდან მიმდინარეობს.