პარლამენტი სახალხო დამცველის ანგარიშის განხილვას იწყებს.
როგორც სახალხო დამცველმა ჟურნალისტებს განუცხადა, 2017 წლის ადამიანის უფლებებისა და თავისუფლებების შესახებ ყოველწლიური ანგარიში 350-მდე რეკომენდაციას მოიცავს, რომელთა შესრულება სამინისტროებს მოუწევთ.
„ანგარიშში მოხვდა ყველა მნიშვნელოვანი მოვლენა, დაწყებული სიცოცხლის უფლებით, რომელშიც ვსაუბრობთ პანკისის ხეობაში ჩატარებულ სპეცოპერაციაზე; ასევე არასათანადო მოპყრობის ფაქტების გამოძიების პრობლემატურობაზე, ქალთა წინააღმდეგ მიმართულ ძალადობასა და კანონმდებბლობის პრობლემატურობაზე, პირადი ცხოვრების ხელშეუხებლობაზე. ჩვენ ვფარავთ ყველა საკითხს – ბავშვთა უფლებები, სოციალური უფლებები, მიგრანტთა უფლებები. გარდა ამისა, ანგარიშში საუბარია წინგადადგმულ ნაბიჯებზე, მათ შორის, პენიტენციურ სისტემაში,“– განაცხადა ნინო ლომჯარიამ.