15 ივნისს ბათუმის სახელმწიფო მუსიკალურ ცენტრში საქართველოსა და ესტონეთის დამოუკიდებლობის 100 წლის იუბილისადმი მიძღვნილი კონცერტი გაიმართება. შესრულდება გია ყანჩელისა და სერგეი რახმანინოვის ნაწარმოებები.
ესტონეთის სახელმწიფო სიმფონიურ ორკესტრს ნიკოლოზ რაჭველი უდირიჟორებს, სოლისტები არიან: გიორგი ცაგარელი (ალტი)და ალექსეი ბოტვინოვი (ფორტეპიანო).
კონცერტზე დასასწრებად ბათუმს ლეგენდარული ქართველი კომპოზიტორი გია ყანჩელი ეწვევა.
ფოტო: სოფიო მელიქიძე