დღეს ზუგდიდში ახალგაზრდა მამაკაცი დააკავეს, რომელმაც წუხელ „მაკდონალდსიდან“ თოვლის ბაბუა მოიპარა. ამ ინფორმაციას შინაგან საქმეთა სამინისტრო ადასტურებს. უწყების ცნობით, ზუგდიდის პოლიციის სამმართველოს თანამშრომლებმა საგამოძიებო-სამძებრო სამუშაოების შედეგად დააკავეს ქურდობაში ბრალდებული ახალგაზრდა მამაკაცი.
სამინისტროს ინფორმაცითვე, მას ბრალად ედება ზუგდიდის ცენტრში, „მაკდონალდსის” ტერიტორიიდან სათამაშო თოვლის ბაბუის მოპარვა. მის წინააღმდეგ კი საქმე 177-ე მუხლით არის აღძრული, რაც ქურდობას გულისხმობს და 3-დან 7 წლამდე თავისუფლების აღკვეთას ითვალისწინებს“, – აცხადებენ შსს-შ-.
ზუგდიდში „მაკდონალდსიდან“ თოვლის ბაბუა წუხელ, გვიან ღამით მოიპარეს.