“ნატო-ში იყო შეშფოთება ჩაკეტილ ე.წ. გამშვებ პუნქტებთან დაკავშირებით”, – ამის შესახებ საქართველოს პრეზიდენტმა, სალომე ზურაბიშვილმა ბრიუსელში განუცხადა.
როგორც ზურაბიშვილმა აღნიშნა, ამ საკითხზე ნატო-ს მხრიდან არ შეგუების პოლიტიკა ყველას მიერ არის გაცხადებული, რაც საქართველოს პრეზიდენტის თქმით, ძალიან დადებითი ფაქტია.
„იყო ძალიან მკაფიო განცხადებები. მხარდაჭერა მივიღეთ ნატო-შიც და ევროკავშირშიც. მხარდაჭერა გამოუცხადა ყველამ ჩვენს პოლიტიკას. შეხვედრებზე აღინიშნა, რომ სწორია ჩვენი ნაბიჯები, დადებითად შეფასდა სამშვიდობო ინიციატივა”,- აღნიშნა სალომე ზურაბიშვილმა.