ნატოში მაკედონიის გაწევრიანების პროტოკოლს ბრიუსელში, ჩრდილო-ატლანტიკური ალიანსის შტაბბინაში მოეწერა ხელი. ამის შესახებ ნატოს გენერალური მდივანი იენს სტოლტენბერგი twitter-ზე წერს. პროტოკოლის ხელმოწერის შემდეგ, საჭიროა მისი რატიფიცირება. მანამდე ქვეყანა ალიანსის საქმინობაში როგორც მიწვეული წევრი ისე ჩერთვება. ჩრდილოეთ მაკედონიის რესპუბლიკა ნატოს რიგით 30-ე წევრი სახელმწიფო იქნება.
„ბუქარესტის 2008 წლის სამიტზე ჩვენ გადავწყვიტეთ, რომ ნატო მოიწვევს იუგოსლავიის ყოფილ რესპუბლიკა მაკედონიას ალიანსის წევრად მას შემდეგ, რაც ქვეყნის დასახელებასთან დაკავშირებით გაერო-ს ფარგლებში მისაღები გადაწყვეტილება იქნება მიღწეული. ჩვენ მივესალმებით ქვეყნის დასახელებასთან დაკავშირებით ათენსა და სკოპიეს შორის ისტორიულ შეთანხმებას. კიდევ ერთხელ ვადასტურებთ ჩვენს ვალდებულებას ღია კარის პოლიტიკის მიმართ, ვაშინგტონის შეთანხმების მე-10 მუხლის შესაბამისად. გასულ წელს მონტენეგროს გაწევრიანება და იუგოსლავიის ყოფილი რესპუბლიკის დღევანდელი მიწვევა ამ ვალდებულების ხელშესახები დემონსტრირებაა,” – ჩაიწერა ნატოს სამიტის დეკლარაციაში.
Today is a historic day. All #NATO Allies have signed the Accession Protocol with 🇲🇰, which will bring more security & prosperity to the whole region. I look forward to the day when 30 flags will fly outside NATO HQ. pic.twitter.com/trPtvsn3MD
— Jens Stoltenberg (@jensstoltenberg) February 6, 2019