განათლების, მეცნიერების, კულტურისა და სპორტის სამინისტრო ცხინვალის ივანე მაჩაბლის სახელობის პროფესიულ სახელმწიფო დრამატულ თეატრს 1746 კვ. მ. ფართს გადასცემს.
უწყების ცნობით, შენობა, რომელიც ცხინვალის თეატრს გადაეცემა, პეტრიაშვილის # 7-ში მდებარეობს.
„უახლოეს მომავალში მომზადდება საპროექტო დოკუმენტიც, რომლითაც მოხდება სივრცის რეკონსტრუქცია, რათა თეატრმა სრულფასოვანი ფუნქციონირება შეძლოს“, – აცხადებენ განათლების სამინისტროში.
თემაზე ხვალ, 12:00 საათზე საქართველოს განათლების სამინისტროში მინისტრის პირველი მოადგილე მიხეილ გიორგაძე და ქონების მართვის სააგენტოს თავმჯდომარე გიორგი დუგლაძე პრესკონფერენციას გამართავენ.
განათლების სამინისტროს ინფორმაციით, პრესკონფერენციას ცხინვალის თეატრის დასის წევრებიც დაესწრებიან.