ვუდსტოკის ფესტივალი 50 წლის იუბილეს აღნიშნავს. საიუბილეო თარიღთან დაკავშირებით, ფესტივალის ორგანიზატორებმა სამდღიანი კონცერტების სერიაში ისეთი არტისტები და ჯგუფებიც ჩასვეს, რომელთაც მონაწილეობა ვუდსტოკის პირველ ფესტივალში მიიღეს.
მაილი საირუსი, სანტანა, ჯეი-ზი, ჰოლზი, ჟანელ მონე, The Killers, Chance the Rapper, Imagine Dragons – ეს იმ შემსრულებელთა და ბენდთა არასრული ჩამონათვალია, რომლებიც 16-დან 18 აგვისტოს ჩათვლით მსმენელის წინაშე წარდგებიან.
ცნობისთვის, ვუდსტოკის ფესტივალი პირველად 1969 წლის 15-18 აგვისტოს, ნიუ–იორკის შტატ–ბეთელში, ფერმერ მაქს იასგერის 600-აკრის ფართობზე ჩატარდა. ფესტივალი 1960-იანი წლების კონტრკულტურის სიმბოლოდ და ჰიპის ეპოქის ერთ-ერთ მნიშვნელოვან მოვლენად ითვლება.