მირანდა კერი და ევან სპიგელი მშობლები მეორედ გახდებიან. ინფორმაცია ,,ვიქტორიას სიკრეტის” ანგელოზის ფეხმძიმობის შესახებ ცნობილი Gruner + Jahr SPA AWARDS-ზე გახდა, სადაც ვარდისფერ საღამოს კაბაში გამოწყობილმა ლამაზმანმა მოზრდილი მუცელი საჯაროდ ,,გაამარიაჟა”.
ვარსკვლავური წყვილის თაყვანისმცემლებისთვის სიახლე მოულოდნელი აღმოჩნდა, რადგან ავსტრალიელ მოდელსა და Snapchat-ის დამაარსებელს პირველი საერთო შვილი, 10 თვის წინ შეეძინათ.
აღსანიშნავია, რომ პატარა, რომელსაც ჰარტი დაარქვეს, საზოგადოების წინაშე მათ ჯერ არ გამოუჩენიათ.
შეგახსენებთ, რომ ბავშვი, რომლის სქესი ჯერჯერობით უცნობია, მირანდა კერისთვის მესამე იქნება. მას ორლანდო ბლუმთან ქორწინებიდან, 8 წლის ფლინი ჰყავს.
