ბილი პორტერის ეპატაჟური ჩაცმულობა 91-ე ,,ოსკარების” წითელ ხალიჩაზე დღემდე მედიის განხილვის თემად რჩება. ალბათ, სწორედ ამით აიხსნება ისიც, რომ ბოლო დროს ამერიკელი ვარსკვლავის მიმართ ინტერესი ორმაგად გაიზარდა.
იმ ფონზე, როცა 49 წლის სასცენო წამყვანის, პოპ მომღერლისა და მსახიობის ჩაცმულობა საზოგადოების დიდი ყურადღებას იმსახურებს, ჟურნალმა Interview ის ახალი ნომრის მთავარ გმირად მიიწვია.
ფოტოებისთვის, რომლებიც რიჩი შაზამმა გადაიღო, ბილიმ 15, მათ შორის ცნობილი მოდის სახლების: Givenchy-ის, Balmain-ის, Gucci-ის, Ermenegildo Zegna-ს, Valentino-ს, Maison Margiela-ს, Hermès-ისა და Dior-ის ლუქები მოირგო.