სტიქიამ ყვარლის მუნიციპალიტეტი დააზარალა. სეტყვამ სოფელ შილდაში, დაახლოებით 300 ჰექტრამდე ვენახი დააზიანა.
სეტყვას ძლიერი ქარი ერთვოდა. წაქცეულია რამდენიმე ხე, რის გამოც თელავი – ყვარლის მიმართულებით საავტომობილო მაგისტრალზე ავტომობილებით გადაადგილება დროებით შეფერხდა.
გზა უკვე გაწმენდილია და ამ მიმართულებით გადაადგილება თავისუფალია.
სტიქიის შედეგად მიყენებულ ზარალს სპეციალური კომისია დღეს დილიდან ითვლის.