ემი შუმერმა ორსულობის დეტალების შესახებ ისაუბრა. გაირკვა, რომ ამერიკელი ,,სტენდაფერი” და მისი მეუღლე, კრის ფიშერი ვაჟს ელოდებიან.
ამ დღეებში, 37 წლის ვარსკვლავმა თაყვანისმცემლებს იუმორისტული პოსტი გაუზიარა. ფოტოზე, რომელსაც მილიონზე მეტი ,,ლაიქი” აქვს, ემი აღნიშნავს, რომ ჯერ კიდევ ფეხმძიმედაა. ამასთან, ის ფანების კომენტარებს ეხმაურება და ღიმილით დასძენს, რომ დიდი ხანია ბავშვს მუცლით ატარებს, რამაც ძალიან დაღალა.
შეგახსენებთ, რომ ინფორმაცია ემი შუმერისა და კრის ფიშერის ოჯახში მატების შესახებ ცნობილი გასული წლის ოქტომბერში გახდა. წყვილისთვის პატარა პირველი საერთო შვილი იქნება.