უილ და ჯეიდა პინკეტ სმიტების ვაჟი, ჯეიდენი იუბილარია. 8 ივლისს, ამერიკელ რეპერს 21 წელი შეუსრულდა.
პირველებმა ახალგაზრდა ვარსკვლავს დაბადების დღე მშობლებმა მიულოცეს. მათ ,,ინსტაგრამზე” ემოციური ვიდეოები ატვირთეს.
დედის გამოქვეყნებულ ვიდეოში, ჰიპ-ჰოპ შემსრულებლის დაბადებიდან დღემდე განვლილი გზის ყველაზე მნიშვნელოვანი და ამაღელვებელი მომენტებია ნაჩვენები, ხოლო მამის – კადრი 2006 წლის კინოფილმიდან ,,ბედნიერების კვალდაკვალ”.
შეგახსენებთ, რომ ჯეიდენი სმიტების პირველი საერთო შვილია. მათ ასევე გოგონა, 18 წლის უილოუ ჰყავთ, რომელიც მამისა და ძმის მსგავსად, მუსიკალურ კარიერას ეწევა. ამასთან, უილს შერი ზამპინოსთან ქორწინებიდან, 26 წლის ტრეი ჰყავს.
