Euronews საქართველოში ელექტრომობილების წარმოების თემას ეხმაურება და ქუთაისის შესახებ წერს.
„ქუთაისი იმედოვნებს, რომ ავტომობილების გლობალურ წარმოებაში მოწინავე იქნება ელექტრონული ავტომობილების საწარმოს გახსნის შემდეგ, რომელიც წელიწადში 4 000 მანქანის გამოშვებას გეგმავს, – ნათქვამია ცნობილი მედიასაშუალების ვრცელ სტატიაში, სადაც ასევე დეტალურად წერია პროექტის განმახორციელებელი კომპანიის შესახებაც.
როგორც Euronews იუწყება, პროექტი საქართველოს სამრეწველო ჰოლდინგ AiGroup-ის და ჩინეთის სახელმწიფო მფლობელობაში არსებული მანქანათმშენებელი კორპორაცია Changan-ის ინვესტიციით ხორციელდება, რომელიც მსოფლიოში ავტომობილების ისეთი უმსხვილესი მწარმოებლების პარტნიორია, როგორებიცაა: „ფორდი“, „ფოლკსვაგენი“, „ვოლვო“, „მაზდა“ და „სუზუკი“.
„საქართველოს ისტორიაში ახალი ერა იწყება“ - ზვიად ციკოლია ქართული ელექტრომობილების წარმოებაზე წერს
"მე განსაკუთრებული ემოციები მეუფლება ქართულ პროდუქციაზე"
ცნობილი მედიასაშუალება საქართველოს პრემიერ-მინისტრის პოზიციაზეც ამახვილებს ყურადღებას და წერს, რომ მამუკა ბახტაძე პროექტს ენთუზიაზმით უყურებს . „პროექტს დადებითი გავლენა ექნება ეროვნული ეკონომიკის სტრუქტურაზე იმდენად, რამდენადაც 2 000-ზე მეტ სამუშაო ადგილს შექმნის და იმავდროულად დაგვეხმარება საექსპორტო პოტენციალის გაზრდაში“, – ამბობს პრემიერი.