ქარიშხალი „დორიანი“ ბაჰამის კუნძულებს დაატყდა თავს და ამერკის შეერთებული შტატების მიმართულებით გადაადგილდება.ფლორიდის შტატში მოსახლეობის ევაკუაცია მიმდინარეობს. ,,დორიანის“ გავლენა შესაძლოა, 20-მა მილიონმა ამერიკელმა იგრძნოს.
რაც შეეხება ბაჰამის კუნძულებზე არსებულ ვითარებას, BBC-ის ინფორმაციით, ქარიშხალმა სახლებს სახურავები ახადა და წყალდიდობა გამოიწვია.მთავრობამ ათობით ეკლესია, სკოლა და სხვა სამთავრობო შენობა საგანგებო თავშესაფრის ადგილებად გამოაცხადა. სულ გახსნილია 14 თავშესაფარი.
ბაჰამის კუნძულების მოსახლეობამ ქარიშხლის შედეგად დაზარალებული სახლების ვიდეოები სოციალურ ქსელში გაავრცელა. გამოცემა წერს, რომ “ადამიანები ხმოვან შეტყობინებებს აგზავნიან, ტირიან” , ხელისუფლება კი ამბობს, რომ ზოგიერთდი მათგანი უარს აცხადებს ევაკუაციაზე.
First video coming in from Bahamas after Dorian passed through and it's complete devastation https://t.co/8c91KTEBkU pic.twitter.com/LdvVQFstWY
— WPLG Local 10 News (@WPLGLocal10) September 1, 2019
სინოპტიკოსეის განცხადებით, ქარიშხალი უმაღლეს მეხუთე კატეგორიამდე გაძლიერდა. ქარიშხლის სიჩქარემ საათში 285 კილომეტრსაც კი მიაღწია.