თვითმხილველების ინფორმაციით, გორის მაგისტრალზე ცეცხლი „მერსედესის“ მარკის მსუბუქ ავტომობილში გაჩნდა. ადგილზე 20 მეხანძრე-მაშველი მუშაობდა. მეხანძრეების დროული რეაგირების შედეგად ცეცხლის ჩაქრობა მოხერხდა.
უსაფრთხოების მიზნით, შემთხვევის გამო თბილისის მიმართულებით ავტომობილების გადაადგილება დროებით შეჩერდა. ამ დროისთვის ხანძარი ლიკვიდირებულია და მაგისტრალზე მოძრაობაც განახლდა.