საქართველოს ეროვნული ბანკის მონაცემებით, აგვისტოში ქვეყანაში შემოსული ფულადი გზავნილების ნაკადების მოცულობამ 146.4 მლნ აშშ დოლარი (428.5 მლნ ლარი) შეადგინა, რაც 7.8%-ით (10.7მლნ აშშ დოლარით) მეტია 2018 წლის აგვისტოს ანალოგიურ მაჩვენებელზე.
სებ-ის ინფორმაციით, ფულადი გზავნილების 38.17% ევროკავშირის ქვეყნებზე მოდის, გზავნილების ზრდამ ევროკავშირის ქვეყნებიდან აგვისტოში 24.8% შეადგინა და საქართველოში ევროკავშირის ქვეყნებიდან 55.89 მლნ აშშ დოლარი გადმოირიცხა.
ამასთან, აგვისტოში ფულადი გზავნილების 24.22% მოდიოდა რუსეთის ფედერაციაზე და წინა წელთან შედარებით რუსეთიდან გადმორიცხვები 14.55%-ით შემცირდა.
ფულადი გზავნილების მიხედვით, ქვეყნების პირველი 10-ეული ასეთია:
რუსეთის ფედერაცია – $35.46 მილიონი დოლარი;
იტალია – $20.57 მილიონი დოლარი;
აშშ – $15.12 მილიონი დოლარი;
საბერძნეთი – $14.73 მილიონი დოლარი;
ისრაელი – $14.02 მილიონი დოლარი;
თურქეთი – $7.92 მილიონი დოლარი;
ესპანეთი – $4.23 მილიონი დოლარი;
გერმანია – $4.22 მილიონი დოლარი;
უკრაინა – $3.83 მილიონი დოლარი;
პოლონეთი – $3.13 მილიონი დოლარი;