“ნამდვილა ვაკეში რა ხდება არ ვიცი, მაგრამ ჩვენი ხაზი ვითარდება… ახლა დავდგე და მოვყვე, ხომ იქნება ახლა სიგიჟე, ვერ დაგასპოილერებთ, რა ხდება ვაკეში, გაიგებთ ძალიან მალე”,-ამბობს ჩემი ცოლის დაქალების გმირი ჩიკა. ჩიკას და მისი დაქალების სამიზნე კვლავ ლეკაა, დაქალები ვაკის კაფეებში შეხვედრებს კვლავ განაგრძნობენ…
მე-15 სეზონის მთავარი ინტრიგა ქეთის და ზაზას ურთიერთობა იყო. მსახიობები ამბობენ, რომ ჯერ თავადაც არ იციან რა ხაზით განვითარდება სცენარი.
ჩემი ცოლის დაქალების მე-16 სეზონის პირველ სერიას მაყურებელი “ფორმულას” ეთერში 25 ოქტომბერს იხილავს. ამ დროისათვის სერიალის გადაღებები რამდენიმე ლოკაციაზე უწყვეტ რეჟიმში მიმდინარეობს.
სერიალი, რომელიც ქართული საზოგადოების სარკეს წარმოადგენს აქტუალობას უკვე 8 წელია არ კარგავს.
ჩემი ცოლის დაქალები “ფორმულას” ეთერში ყოველ პარასკევს, შაბათს და კვირას გავა. ინფორმაციას ტელეკომპანია”ფორმულა” ავრცელებს.
