ზუგდიდში პოლიციელზე თავდასხმის მცდელობის ფაქტზე ერთი პირი დააკავეს. შინაგან საქმეთა სამინისტროს განცხადებით, დაკავებული წარსულში მრავალჯერ ნასამართლევია. მას პოლიციელზე თავდასხმის მცდელობა და ცეცხლსასროლი იარაღის მართლსაწინააღმდეგო შეძენა-შენახვა ედება ბრალად.
“გამოძიებით დადგინდა, რომ ბრალდებულმა მიმდინარე წლის 17 იანვარს ზუგდიდში, ჭავჭავაძის ქუჩაზე, სამართალდამცველების მისამართით გაისროლა და შემთხვევის ადგილიდან მიიმალა. მომხდარის შედეგად არავინ დაშავებულა. პოლიციამ გ.ქ. წალენჯიხის მუნიციპალიტეტში დააკავა”, – წერია შსს-ს განცხადებაში
ზუგდიდში სამართალდამცველებს ცეცხლი გაუხსნეს
შეიარაღებული თავდასხმა პოლიციელზე - რა მოხდა ზუგდიდის ცენტრალურ ქუჩაზე?
უწყების ინფორმაციით, სამართალდამცავებმა დანაშაულის იარაღი ნივთმტკიცების სახით ამოიღეს. საქმეზე გამოძიება სისხლის სამართლის კოდექსის 236-ე მუხლის მე-3 ნაწილით და 19-353-პრიმა მუხლის მე-3 ნაწილით მიმდინარეობს. დანაშაული 3-დან 20 წლამდე ვადით თავისუფლების აღკვეთას ითვალისწინებს.
დანაშაული სამიდან 20 წლამდე ვადით თავისუფლების აღკვეთას ითვალისწინებს.