საქართველოს დაცული ტერიტორიების სააგენტო ამჯერად მოუსვენარ ირემს გვაცნობს, რომელიც ცდილობს „სეფლი“ გადაიღოს. ონავარი ირემი ფოტოხაფანგმა აღბეჭდა. კადრები გადაღებულია ლაგოდეხის დაცულ ტერიტორიებზე.
„ირემმა ვიდეო “სელფი” არ იკმარა და ფოტოხაფანგის დაგემოვნება გადაწყვიტა“,- იუწყება საქართველოს დაცული ტერიტორიების სააგენტოს ოფიციალური „ფეისბუქგვერდი“.
შეგახსენებთ, მსოფლიოში ერთ-ერთი კარგად შემონახული, პირველყოფილი, ველური ბუნებრივი ლანდშაფტებით მრავალფეროვანი ლაგოდეხის დაცული ტერიტორიები ქ. ლაგოდეხში, საქართველოს უკიდურეს ჩრდილო-აღმოსავლეთ ნაწილში, კავკასიონის სამხრეთ ფერდობებზე მდებარეობს და ზღ. დ-დან 590-3500 მ-ის სიმაღლემდე ვრცელდება.
ლაგოდეხის დაცული ტერიტორიების მოიცავს ლაგოდეხის სახელმწიფო ნაკრძალსა (19755 ჰა) და აღკვეთილს (4500 ჰა). დღეისათვის ლაგოდეხის აღკვეთილში მოწყობილია თვალწარმტაცი, უსაფრთხო და ინფორმატიული ხუთი ტურისტული მარშრუტი, კერძოდ: ,,როჭოს ჩანჩქერი“, ,,ნინოსხევის ჩანჩქერი“, ,,მაჭის ციხე“, ,,შავი კლდეების ტბა“ და „ბუნების შემეცნების ბილიკი“.