დაავადებათა კონტროლის ეროვნული ცენტრი ეხმაურება ხმოვან გზავნილებს, რომლებიც სოციალურ ქსელში კორონავირუსთან დაკავშირებით გაავრცელეს. უწყების განცხადებით, ეს გზავნილი დეზინფორმაციას წარმოადგენს:
“უკანასკნელ საათებში სოციალური ქსელებით ვრცელდება სრულიად დაუსაბუთებელი, უპასუხისმგებლო და დანაშაულებრივი ხმოვანი გზავნილი.
დაავადებათა კონტროლისა და საზოგადოებრივი ჯანმრთელობის ეროვნული ცენტრი უფლებამოსილია განაცხადოს: ამ ეტაპისთვის საქართველოში ახალი კორონავირუსული ინფექციის არცერთი შემთხვევა არ დაფიქსირებულა და ვთხოვთ მოსახლეობას, ნუ აჰყვება პანიკას!
როგორც პაატა იმნაძემ აღნიშნა, პანიკის საფუძველი არ არსებობს
პაატა იმნაძე: პირველ რიგში, ყველამ ნერვები დაიწყნაროს
საქართველოს სახელმწიფო ყველაფერს აკეთებს, რათა მოხდეს ქვეყნის ტერიტორიაზე ახალი კორონავირუსის შემოტანისა და გავრცელების პრევენცია. ქვეყნის ჯანდაცვის სისტემა სრულ მზადყოფნაშია და შეუძლია დაავადების შემოტანის შემთხვევაში უზრუნველყოს გადაუდებელი სამედიცინო დახმარება თანამედროვე საერთაშორისო სტანდარტების შესაბამისად.
აღნიშნული ხმოვანი გზავნილი დეზინფორმაციაა, ემსახურება არაკეთილსინდისიერი ადამიანების კერძო, მერკანტილურ ინტერესებს და დანაშაულია ხალხის წინაშე!
ქვეყნის მოსახლეობას მოვუწოდებთ: არ აჰყვეთ პანიკას! გაეცანით სანდო საიფორმაციო წყაროებს და ენდეთ პროფესიონალების რეკომენდაციებს”, – ნათქვამია ცენტრის განცხადებაში.
ბევრი მცდარი და სტერეოტიპული ინფორმაციაც ვრცელდება ტროლების ან უგუნურობის წყალობით.
"ქართულ სივრცეში რომ პანიკაა, ეგეთი ჩინეთის მეზობელ ქვეყნებშიც არ ხდება"
ამირან გამყრელიძის განცხადებით კი, ასეთ სიტუაციაში ხალხის გრძნობებზე თამაში არ შეიძლება.
„მდგომარეობა სერიოზულია მთელ მსოფლიოში. ამ დროს ჩვენ ერთმანეთს გვერდში უნდა ამოვუდგეთ. მივმართავ ამ ადამიანს, ნუ თესავთ პანიკას მოსახლეობაში. გუშინ მომცეს ინფორმაცია, რომ ღამე დადგა უკვე რიგები პირბადეებთან დაკავშირებით, არ შეიძლება ხალხის ფაქიზ გრძნობებზე თამაში განსაკუთრებით ამ დროს, როდესაც მოსახლეობაში ისედაც არის მღელვარება“, – განაცხადა გამყრელიძემ.
თურქეთი უხანიდან საკუთარი მოქალაქეების და ქართველების ევაკუაციას ახორციელებს – თვითმფრინავი ანკარისკენ მიემართება