წამყვანი ჩინელი ექსპერტები, კორონავიურისის გავრცელების შეწყვეტის სავარაუდო დროს პროგნოზირებენ. ჩინელმა ეპიდემიოლოგმა, ჟონგ ნანსანმა განაცხადა, რომ “კოვიდ 19”-ის მსოფლიოში გავრცელება მინიმუმ ივნისამდე გაგრძლდება.
“ეპიდემია მთელ მსოფლიოში გავრცელებას სულ მცირე ივნისამდე განაგრძობს. უნდა გამკაცრდეს საზღვრებზე ადამიანების ჯანმრთელობის მდგომარეობის შემოწმება. უნდა გაძლიერდეს და უნდა დაწესდეს საკარანტინო პოლიტიკა უცხოელი მოგზაურებისთვის, რომლებიც კორონავირუსით არიან ინფიცირებულები”, – აცხადებს ეპიდემიოლოგი.
ათი მიზეზი, რის გამოც კორონავირუსმა პანიკა არ უნდა გამოიწვიოს
კორონავირუსის გავრცელება ნამდვილად სერიოზული პრობლემაა
ჩინეთის ჯანდაცვის სახელმწიფო კომიტეტის სპეციალური საექსპერტო კომისიის ხელმძღვანელი ჩჟუნ ნანშანის თქმით კი, ვირუსი მომავალში შესაძლოა არა ჩინეთიდან გავრცელდეს სხვა ქვეყნებში, არამედ პირიქით უცხო ქვეყნებიდან იქით შევიდეს ჩინეთში.
“მომავალში კორონავირუსთან ბრძოლისას ყურადღებამ შესაძლოა ექსპორტიდან იმპორტზე გადაინაცვლოს”,- აცხადებს ნანშანი.
უახლესი მონაცემებით, ჩინეთში გასული დღე-ღამის განმავლობაში კორონავირუსით ინფიცირების 40 ახალი შემთხვევა დაფიქსირდა, რაც წინა დღეების მაჩვენებლებთან შედარებით, ყველაზე დაბალი რიცხვია. ყველა შემთხვევა ვირუსის გავრცელების ეპიცენტრში, უხანში დაფიქსირდა.