ეკონომიკის მინისტრის ინფორმაციით, საგანგებო კარანტინის მოქმედების მთელი პერიოდის მანძილზე, ჩერდება ყოველგვარი ეკონომიკური საქმიანობა კონკრეტულად ბოლნისის და მარნეულის მუნიციპალიტეტებში, გარდა ისეთი საქმიანობისა, რომელიც დაკავშირებულია სასურსათო და მედიკამენტებით უზრუნველყოფასთან.
ნათია თურნავას თქმით, დღის ბოლომდე მთავრობის ეკონომიკური ბლოკი წარადგენს ჩამონათვალს, თუ რომელ საწარმოებს შეეძლებათ ფუნქციონირება განაგრძონ.
„ჩვენ, ეკონომიკურ გუნდს დავალებული აქვს დღის ბოლომდე კონკრეტული ჩამონათვალი მოვამზადოთ, თუ რომელი საწარმოები აგრძელებენ ფუნქციონირებას. ამთავითვე, შემიძლია, გითხრათ, რომ შეუფერხებლად გააგრძელებენ ფუნქციონირებას გარკვეული დადგენილი წესების დაცვით ის საწარმოები, რომელიც დაკავშირებულია კრიტიკულ ინფრასტრუქტურასთან: ეს არის ენერგეტიკა, წყალმომარაგება, გაზით მომარაგება. ფუნქციონირებას ასევე გააგრძელებენ სამრეწველო საწარმოები, მათ შორის, წიაღის მოპოვება-გადამუშვებასთან დაკავშირებული საწარმოები. რა თქმა უნდა, სასოფლო სამეურნეო პროდუქციის წარმოება გადამუშავებასთან დაკავშირებული საწარმოები გააგრძელებენ ფუნქციონირებას და უფრო დეტალური ჩამონათვალი გვექნება ჩვენ დღეს და ეს გამოქვეყნდება. ასევე, არანაირი შეფერხება არ ექნება რა თქმა უნდა, მედიცინას, კავშირგაბმულობას და როგორც მოგახსენეთ, კრიტიკული ინფრასტრუქტურის მიწოდებასთან, რაც არის დაკავშირებული“, – აღნიშნა ეკონომიკის მინისტრმა.