“ველოდებით 11 პაციენტის ანალიზს, იმედი გვაქვს, რომ 11-ვე მოვა უარყოფითი და დღის განმავლობაში 16 დატოვებს კლინიკას”,- ამის შესახებ თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორმა ლევან რატიანმა განაცხადა.
მისი თქმით, მათ კლინიკაში 112 პაციენტი მკურნალობს.
„ამ ეტაპზე გვყავს 112 პაციენტი, აქედან რეანიმაციულ განყოფილებაში ისევ გვიწევს 8 პაციენტი, დამატებით არც ერთი შემთხვევა არ დამძიმებულა, 3-ის მდგომაროება რჩება მძიმე, 5-ის მდგომარეობა ამ ეტაპამდე სტაბილურად რჩება დადებითი დინამიკით კლინიკური მახასიათებლებით. დანარჩენი პაციენტების ზოგადი მდგომარეობა ამ ეტეპზე რჩება სტაბილური.
44 კოვიდინფიცირებული პაციენტი გვყავს მწვავე პნევმონიით, მაგრამ უარყოფითი დინამიკის გარეშე. გუშინ მივიღეთ 7 ახალი პაციენტი და ამ დრომდე არ დასტურდება არც ერთთან არანაირი გართულება.
რაც შეეხება გაგზავნილ პასუხებს, ყველაზე მივიღეთ უარყოფითი პასუხი. ამ ეტაპზე უკვე მიდის 5 პაციენტი კლინიკიდან კორონავირუსის გარეშე, ველოდებით 11 პაციენტის ანალიზს, იმედი გვაქვს, რომ 11-ვე მოვა უარყოფითი და დღის განმავლობაში 16 დატოვებს კლინიკას”, – განაცხადა რატიანმა.
ამ დროისათვის არსებული ოფიციალური მონაცემებით, საქართველოში კორონავირუსის 456 შემთხვევა ფიქსირდება, აქედან 132 პაციენტი უკვე გამოჯანმრთელდა.