თბილისის ინფექციური საავადმყოფოს გენერალური დირექტორის განცხადებით, ჯერ ნაადრევია საუბარი მეორე ტალღაზე, რადგან პირველი არ დასრულებულა.თენგიზ ცერცვაძე მიიჩნევს, რომ დიდი ალბათობაა, რომ პირველ და მეორე ტალღას შორის წყვეტა არ იყოს.
“ნუ დავყოფთ ტალღებად, ჯერ მთელს მსოფლიოში პირველი ტალღა გრძელდება. მართალია, დაიკლო შემთხვევებმა, მაგრამ ეს ჩვენთან დაიკლო, საქართველოში და სულ რამდენიმე ქვეყანაა ევროპაში, სადაც შედარებით დაიკლო ინფიცირების მაჩვენებელმა. რომ გადახედოთ მსოფლიო მონაცემებს, მსოფლიოში შემთხვევები ყოველდღიურად იმატებს.
ეს ყველაფერი პირველი ტალღის გაგრძელებაა, რომელიც ჯერ მთლიანად არ დასრულებულა, ასე რომ, მეორე ტალღაზე ჯერ საუბარი არ შეიძლება. ამაზე შეიძლება ვისაუბროთ მაშინ, როცა პირველი მთლიანად დასრულდება, ანუ არ იქნება არც ერთი შემთხვევა და ეს პერიოდი გაგრძელდება გარკვეულ ხანს, მაგალითად, 2 კვირას.
"ყველა იმ ადამიანის საყურადღებოდ, ვისაც არ გჯერათ რომ კორონა არსებობს..."- რას წერს Covid 19-ით გარდაცვლილი მე-14 პაციენტის ახლობელი
"2 თვეზე მეტი ებრძოდა ამ ვერაგ ვირუსს. მას არ ჰქონდა არანაირი ქრონიკული დაავადება"
ახლანდელი მდგომარეობა უნდა ჩაითვალოს პირველი ტალღის ნარჩენებად, გაგრძელებად. დასუსტდა პირველი ტალღა, თუმცა, გრძელდება.
ორი ვარიანტია, ერთი, რომ პირველი ტალღის ნარჩენები თანდათან შემცირდეს და როცა დიდი სიცხეები დაიწყება, დავიდეს იმ დროისთვის მინიმუმამდე. მაშინ შეიძლება ვისაუბროთ, ოქტომბერ-ნოემბერში მეორე ტალღა იქნება თუ არა, უფრო სუსტი იქნება თუ უფრო ძლიერი. მეორე ვარიანტია, რომ პირველი და მეორე ტალღა ისე გადაებას ერთმანეთს, რომ მათ შორის წყვეტა ვერ დავინახოთ, რადგან კორონავირუსს არ აღმოაჩნდა ისეთი სეზონურობა, როგორსაც მოველოდით.
საქართველოში კიდევ სეზონურობის გარკვეულ ნიშნებს ამჟღავნებს, სხვაგან არა. ასე რომ, პირველი ტალღის დამთავრებაზე საუბარი არასწორია, შესაძლოა, ის დამთავრდეს სადღაც ერთ თვეში და მერე ვიფიქროთ, როგორი იქნება მეორე ტალღა. “-ამბობს IPN-თან საუბარში თბილისის ინფექციური საავადმყოფოს დირექტორი, თენგიზ ცერცვაძე.
ბოლო 24 საათში კორონავირუსი კიდევ 13 ადამიანს გამოუვლინდა, ხოლო 1 პაციენტი გამოჯანმრთელდა.
“ჯერ პირველი ტალღა არ დასრულებულა” – დგას თუ არა საგანგებო მდგომარეობის ხელახალი შემოღების საჭიროება