მკვლელობა თუ თვითმკვლელობა?-ამ დრომდე გაურკვეველია რა ვითარებაში დაიღუპა ახალგაზრდა პროგრამისტი თამარ ბაჩალიაშვილი. საქმე ჯერჯერობით ძიების პროცესშია.
დღეიდან ბაჩალიაშვილის გარდაცვალების საქმეს ცენტრალური კრიმინალური პოლიციის დეპარტამენტი გამოიძიებს.
თამარ ბაჩალიაშვილის გარდაცვალების საქმეს ცენტრალური კრიმინალური პოლიციის დეპარტამენტი გამოიძიებს
თამარის ოჯახი თვითმკვლელობის ვერსიას გამორიცხავს. გარდაცვლილის დედა, თეონა თამაზაშვილი შვილის გეგმებსა და ოცნებებზე საუბრობს და აცხადებს, რომ მათი ქალიშვილი თავს არ მოიკლავდა, რადგან სიცოცხლე უყვარდა და ბევრი გეგმაც ჰქონდა.
“მე, როგორც გულმოკლული დედა გთხოვთ, რომ გაერთიანდეს სახელმწიფო და მედია და ერთობლივი ძალებით, ეს ძალიან ჩახლართული ამბავი, იქნებ გამოიძიოთ. მინდა, რაღაც ვერსიამდე მივიდეთ. არ ვიცი რა ვიფიქრო, განადგურებული და ვაკუუმში ვარ, რატომ შეიძლებოდა ჩემი კაფანდარა და უწყინარი გოგო უღვთოდ მოეკლათ?
მე გამოვრიცხავ თვითმკვლელობის ვერსიას, ჩემს თამუნას უყვარდა სიცოცხლე, ოცნებობდა, ამბიციური ბავშვი იყო, დიდი მიზნები ქონდა. მეუბნებოდა “ამაზონიდან” მაქვს შეთავაზება და ყველაფერს გავაკეთებ, რომ შეთავაზება არ დავკარგოო. რატომ მოიკლავდა თავს ჩემი შვილი?! გთხოვთ ჟურნალისტებსაც და გამოძიებსაც, რომ კონსესუსამდე მიდით და დამეხმარეთ, რომ არ ამომხდეს სული ჩემი შვილის იდუმალებით მოცულ სიკვდილზე” – აღნიშნა თამაზაშვილმა.
თეონა თამაზაშვილი ეჭვობს, რომ თამარ ბაჩალიაშვილმა “შესაძლოა ისეთი ინფორმაცია მოიპოვა”, რასაც მისი სიცოცხლე შეეწირა.
“არ ვამბობ, რომ უშუალოდ სამსახურში მოხდა რაღაც. თამუნა იმდენად ჭკვიანი და დაუოკებელი იყო, ვფიქრო ისეთი ინფორმაცია მოიპოვა, თუნდაც სამსახურის საქმეების გარეშე, რომ ხომ არ მოხდა მისი ლიკვიდაცია. მე გუშინ ისიც წავიკითხე, რომ საფრანგეთში ვიღაც ლექტორისგან ჰქონდა შეთავაზება, რომელიც თამუნას ბინით უზრუნველყოფასა და სწავლკის საფასურის გადახდას სთავაზობდა, ოღონდ იქ დარჩენილიყო, როგორც პერსპექტიული სტუდენტი, მაგრამ თამუნამ ამაზე უარი განაცხადა.
ვფიქრობ, რაღაცის შიშის გამო. იმდენად უნდოდა ევროპაში,სწავლა რომ ამაზე უარი არ თქვა. ის რაღაც ტერორის ქვეშ იყო და ამიტომ თქვა უარი, არ ვუკავშირებ ამას არც სამსახურს… კიდევ ერთხელ ვამბობ, ისე არ მინდა მოვკვდე რომ არ გავიგო რას შეეწირა ჩემი შვილი” – განაცხადა “პალიტრანიუსის” გადაცემა “360 გრადუსში” საუბრისას თეონა თამაზაშვილმა.