ჩაქვში, სასტუმრო „ოაზისში“ მყოფ პირს კორონავირუსი დაუდასტურდა.
დაავადებათა კონტროლის ეროვნული ცენტრის ხელმძღვანელი, ამირან გამყრელიძე აცხადებს, რომ ინფიცირებულთან კონტაქტში მყოფი პირების გამოკვლევა დაიწყება.
„სასტუმრო „ოაზისში“ ჩემი კოლეგების კონფერენცია მიმდინარეობს, სადაც ერთ-ერთ პირს ჰქონდა საეჭვო სიმპტომები, კონტაქტირებული იყო ინფიცირებულთან, რის გამოც ის გაიტესტა. სწორედ ახლა მომაწოდეს ინფორმაცია, რომ მას ინფექცია დაუდასტურდა“, – განაცხადა ამირან გამყრელიძემ ტელეკომპანია „პირველის“ ეთერში.
შეგახსენებთ, საქართველოში აპრილის შემდეგ კორონავირუსის რეკორდულად მაღალი მაჩვენებელი – 38 ახალი შემთხვევა დაფიქსირდა. ჩაქვში, სასტუმრო „ოაზისის“ 900-მდე სტუმარს შენობის დატოვება დროებით აკრძალული აქვს