მესტიის მუნიციპალიტეტი გაიხსნა.
საკონტროლო გამშვები პუნქტები მოხსნეს ლენჯერისა და დაბა მესტიის გასასვლელში.
მუნიციპალიტეტი 10 აგვისტოს ჩაიკეტა. მას შემდეგ რაც კორონავირუსის 17 შემთხვევა ერთდროულად დადასტურდა.
სამეგრელო-ზემო სვანეთის სახელმწიფო რწმუნებულის მოადგილის, ნინო ვიბლიანის ინფორმაციით, რეგიონში სულ 5000-მდე PCR კვლევა ჩატარდა.
“დღეიდან, მესტიის მუნიციპალიტეტში საკარანტინე შეზღუდვები სრულად მოიხსნება. მოსახლეობის თერმოსკრინინგი აქტიურად მიმდინარეობს, ამ პერიოდის განმავლობაში ჩატარდა 5000-მდე PCR კვლევა, აქედან, 1500-მდე იყო მეორადი კვლევა. მუნიციპალიტეტში ეპიდემიოლოგიური სიტუაცია სტაბილურია და კონტროლს ექვემდებარება”, – განაცხადა ნინო ვიბლიანმა.