ახმეტის მუნიციპალიტეტის სოფელ მატანში 10 წლის ბავშვს კორონავირუსი დაუდასტურდა. ინფიცირებული სოფელ მატანში არსებული მე-2 საჯარო სკოლის პედაგოგის კონტაქტია.
კახეთის გუბერნატორის მოვალეობის შემსრულებლის, ირაკლი შიოშვილის განცხადებით შესასვლელსა და გასასვლელთან მოწყობილ სამედიცინო კარავში ადგილობრივების კორონავირუსზე ტესტირება გრძელდება. ადგილზე ამ დროისთვის 460 პირის ბიოლოგიური ნიმუშია აღებული.
ბოლო მონაცემებით, საქართველოში კორონავირუსით ინფიცირების 165 შემთხვევა გამოვლინდა. გამოჯანმრთელდა 1 პაციენტი.