დაავადებათა კონტროლის ეროვნული ცენტრის ხელმძღვანელი ამირან გამყრელიძე აცხადებს, რომ ქვემო ქართლში ეპიდაფეთქება, ერთ-ერთ სოფელში გამართულ ქორწილს უკავშირდება.
ბოლო 24 საათში ქვემო ქართლში კორონავირუსის 107 ახალი შემთხვევა დადასტურდა.
“ეს უკავშირდება ისევ და ისევ დიდ შეკრებებს. იყო საქორწილო სუფრა და ამან გამოიწვია ეპიდაფეთქება ერთ-ერთ სოფელში და შესაბამისად, მისი გავრცელება სასწავლო დაწესებულებებში,”-განაცხადა ამირან გამყრელიძემ.
ცნობისთვის, საქართველოში კორონავირუსის 1 941 ახალი შემთხვევა დადასტურდა.