„18 ნოემბერს, ოთხშაბათს დილის 11:00 საათზე, ოპერიდან რესპუბლიკის მოედნის, რუსთაველის მეტროს, ფილარმონიისა და მელიქიშვილის მიმართულებით იქნება ჯაჭვი ორმეტრიანი დისტანციით”,-ამის შესახებ „ევროპული საქართველოს“ ერთ-ერთმა ლიდერმა, გიგი უგულავამ განაცხადა.
„ლელოს“ ოფისში ოპოზიციის წარმომადგენლების შეხვედრის დასრულების შემდეგ უგულავამ განაცხადა, ყოველ ადამიანს, ვინც აქციაზე მივა, მიეცემა სტიკერი, რომელსაც ეწერება, გაყალბებულია.
„18 ნოემბერს, ოთხშაბათს დილის 11:00 საათზე, ოპერიდან რესპუბლიკის მოედნის, რუსთაველის მეტროს, ფილარმონიისა და მელიქიშვილის მიმართულებით იქნება ჯაჭვი ორმეტრიანი დისტანციით. ყოველ ადამიანს, ვინც მოვა, მიეცემა სტიკერი, რომელსაც ეწერება გაყალბებულია. დააფენს, დადგება დაიჭერს ამ პლაკატს. ასევე, იქნება ბანერები, რომელსაც ზევიდან ექნება ამერიკის და საქართველოს დროშა და შუაში იქნება წარწერები-გაყალბებულია, მიმდინარეობს სახელმწიფოს მიტაცება რუსი ოლიგარქის მიერ“, – აღნიშნა უგულავამ.