კორონავირუსით ახალციხის რეფერალური ჰოსპიტლის ექიმი, 65 ლის ნინა მერაბიშვილი გარდაიცვალა. ის მკურნალობას თბილისში გადიოდა. აღნიშნულ კლინიკაში ბოლო პერიოდში კორონავირუსით ექიმის გარდაცვალების ეს მესამე შემთხვევაა.
ჰოსპიტალში აცხადებენ, რომ ექიმ-ფტიზიატრს ნ.მ–ს სხვა თანმხლები დაავადებები ჰქონდა, რის გამოც მისი მდგომარეობა მძიმე იყო.
sknews.ge-ის ცნობით, კორონავირუსის გავრცელების შემდეგ, სამცხე–ჯავახეთში მედიკოსის გარდაცვალების ეს მეხუთე შემთხვევაა.
28 ოქტომბერს ახალქალაქის სასწრაფო სამედიცინო დახმარების ექიმი გარდაიცვალა, 18 ნოემბერს ვირუსს ემსხვერპლა სასწრაფო სამედიცინო დახმარების სამცხე-ჯავახეთის რეგიონული განყოფილების მენეჯერი. 4 და 5 დეკემბერს კი ახალციხის რეფერალური ჰოსპიტლის ორი რეანიმატოლოგი გარდაიცვალა.