შავ ზღვაში რუსული გემი ჩაიძირა. ამ დრომდე, ორი გარდაცვლილი აღმოაჩინეს.
ეკიპაჟის დარჩენილი წევრების სამძებრო სამუშაოები ჯერ კიდევ მიმდინარეობს.
„ჩაძირული გემის ბორტზე 13 ადამიანი იყო – ყველა რუსეთის მოქალაქეა. ამ დროისთვის, უკვე გადაარჩინეს ხუთი მათგანი, აღმოჩენილია ორი გარდაცვლილის ცხედარი.”-თურქეთის პროვინცია ბართინის გუბერნატორი სინან გიუნერი აცხადებს.
გემის ჩაძირვის მიზეზი ამ დრომდე უცნობია.
ინკუმუს რაიონში, სადაც გემი ჩაიძირა, სამაშველო ფრეგატა უკვე გაიგზავნა.