„ქართული ოცნების“ თავმჯდომარე ირაკლი კობახიძე, საქართველოს პარლამენტის წევრებთან ერთად, სამდღიანი ვიზიტით ბერლინში იმყოფება.
შეხვედრები სხვადასხვა პოლიტიკური ჯგუფის წევრებთან, ბუნდესტაგის ვიცე-სპიკერთან და კომიტეტების ხელმძღვანელებთან, ასევე საგარეო საქმეთა სამინისტროში და ეუთოს საპარლამენტო ანსამბლეის გერმანიის დელეგაციასთან გაიმართება.
საუბრის მთავარი თემა საქართველო-ევროკავშირის ურთიერთობები იქნება, რა მექანიზმები შეიძლება არსებობდეს, რომ ქვეყანა მალე დაუახლოვდეს ევროატლანტიკურ სტრუქტურებს. ვიზიტის ერთ-ერთი მთავარი მიზანი, გერმანიის და საქართველოს პარლამენტებს შორის ურთიერთობების გააქტიურებაა.
შეხვედრები უკვე დაწყებულია და პირველი მოლაპარაკებები, ევროკავშირის საკითხთა კომიტეტის თავმჯდომარესთან იმართება.